ஒளியே போற்றி

ஒளியே போற்றி போற்றி – எம்

இறைவா எழுவாய் போற்றி – 2

1. இருளில் விடிவாய் உதிப்பாய் போற்றி

இடறும் தீயை தகர்ப்பாய் போற்றி – 2

விழியின் வழியாய் ஒளிர்வாய் போற்றி

வழியில் வாழ்வாய் திகழ்வாய் போற்றி – 2

2. செவியில் வாக்காய் ஒலிப்பாய் போற்றி

செயலில் நலன்கள் விளைப்பாய் போற்றி – 2

சுமையில் துணையாய் வருவாய் போற்றி

சோர்வில் சுகமே தருவாய் போற்றி – 2

3. பசியில் உணவாய் கனிவாய் போற்றி

பழியில் பொறுத்தல் தருவாய் போற்றி – 2

அபயம் அளிக்கும் அன்பே போற்றி

ஆற்றல் அறிவின் ஊற்றே போற்றி – 2

4. படைப்பாய் வளர்ப்பாய் மீட்பாய் போற்றி

துடைப்பாய் கண்ணீர் தூயா போற்றி – 2

தந்தை தனயன் ஆவியே போற்றி

எந்தை முவோர் இறைவா போற்றி - 2

தந்தானைத் துதிப்போமே

தந்தானைத் துதிப்போமே திருச்

சபையோரே, கவி பாடிப்பாடி

விந்தையாய் நமக்கனந்தனந்தமான

விள்ளற்கரியதோர் நன்மை மிகமிகத்

1. ஒய்யாரத்துச் சீயோனே – நீயும்

மெய்யாகக் களிகூர்ந்து நேர்ந்து

ஐயனேசுக்குநின் கையைக் கூப்பித்துதி

செய்குவையே மகிழ்கொள்ளுவையே நாமும் - தந்தானைத்

2. கண்ணாரக் களித்தாயே – நன்மைக்

காட்சியைக் கண்டு ருசித்துப் புசித்து

எண்ணுக் கடங்காத எத்தனையோ நன்மை

இன்னுமுன்னேற் சோனாமாரி போற் பெய்துமே - தந்தானைத்

3. சுத்தாங்கத்து நற்சபையே – உனை

முற்றாய்க் கொள்ளவே அலைந்து திரிந்து

சத்துக் குலைந்துனைச் சக்தியாக்கத் தமின்

ரத்தத்தை சிந்தி எடுத்து உயிர் வரம் - தந்தானைத்

4. தூரத்திரிந்த சீயோனே – உனை

தூக்கியெடுத்துக் கரத்தினிலேந்தி

ஆரங்கள் பூட்டி யலங்கரித்து – உன்னை

அத்தன் மணவாட்டி யாக்கினது என்னே - தந்தானைத் 

மறவாமல் நினைத்தீரையா

மறவாமல் நினைத்தீரையா

மனதார நன்றி சொல்வேன் - என்னை

மறவாமல் நினைத்தீரையா

மனதார நன்றி சொல்வேன்

இரவும் பகலும் என்னை நினைந்து இதுவரை உதவினீரே

இரவும் பகலும் என்னை நினைந்து இதுவரை நடத்தினீரே

நன்றி நன்றி ஐயா ஆ.. ஆ..

கோடி கோடி நன்றி ஐயா – 2

எபிநேசர் நீர் தான் ஐயா இதுவரை உதவினீரே - 2

எல்ரோயி எல்ரோயி என்னையும் கண்டீரே

எப்படி நான் நன்றி சொல்வேன் - 2

நன்றி நன்றி ஐயா ஆ.. ஆ..

கோடி கோடி நன்றி ஐயா – 2

தடைகளை உடைத்தீர் ஐயா தள்ளாட விடவில்லையோ – 2

சோர்ந்து போன நேரமெல்லாம் தூக்கி என்னை சுமந்து

வாக்கு தந்து தேற்றினீரே – 2

நன்றி நன்றி ஐயா ஆ.. ஆ..

கோடி கோடி நன்றி ஐயா – 2

– மறவாமல் நினைத்தீரையா 

அன்புள்ள ஆண்டவரே

1. அன்புள்ள ஆண்டவரே – நான்

பண்புள்ள பாலகனாய் - என்றும்

தென்புடன் வாழ்ந்திடவே – உம்

அன்பினை தந்திடுமே

2. இந்தப் பாரினில் சிறு ஒளியாய் - என்னை

ஆக்கும் இயேசு நாதா – நான்

செல்கின்ற இடமெல்லாம் - ஒளி

வீசிடச் செய்யும் நாதா

3. மணம் வீசும் சிறு மலராய் - பிறர்

இன்புறச் செய்திடுமே

துக்கத்தில் ஆழ்ந்தவரை – மாற்றும்

பாடலாய் ஒலிக்கச் செய்யும்

4. கை கொடுக்கும் கோலாய் - நான்

என்றென்றும் விளங்கச் செய்யும்

மெய்யான வழியினிலே – நாம்

அயலாரை உதவச் செய்யும்

4. என்றென்றும் ஏறெடுப்போம் - உம்

பேரின்ப வீட்டினையே

கண்கொண்டு பார்த்திடுமே - இந்தப்

பாலரைக் காத்திடுமே